Lesson Plans გაკვეთილის გეგმები

გაკვეთილის გეგმა

საგანი: ინგლისური ენა

პედაგოგი: მარინა ლივინა

გაკვეთილის ტიპი: გამჭოლი კომპეტენციების განვითარებაზე ორიენტირებული სამოდელო გაკვეთილი

სწავლების საფეხური/კლასი: III

მოსწავლეთა პროფილი:  17. სპეციალური საგანმანათლებლო საჭიროების მქონე მოსწავლე

                                            კლასში არ არის.

თემა: გავიცნოთ გარეული ცხოველები

მიზანი: ტექსტის გაგება-გააზრება

·         მოსწავლეებმა ტექსტში მოიძიონ და იპოვონ კონკრეტული ინფორმაცია, ამოიცნონ პერსონაჟები და დაახასიათონ ისინი.

·         ხმამაღლა, გამართულად წაიკითხონ ნაწყვეტი ტექსტიდან, შეეცადონ დაიცვან

                         შესაბამისი ინტონაცია.

·         დამოუკიდებლად ამოიცნონ სიტყვების, წინადადებების მნიშვნელობა ნაცნობი

                        ელემენტების დახმარებით.

    ეროვნული სასწავლო გეგმის სტანდარტი

·         უცხ.დ.III 2

მოსწავლეს შეუძლია ილუსტრირებული ტექსტის გაგება და მასში ინფორმაციის მოძიება

·         უცხ.დ.III6

მოსწავლეს შეუძლია მოსმენილი ილუსტრირებული აღწერითი ხასიათის ტექსტის გაგება

·         უცხ.დ.V8

მოსწავლეს გამომუშავებული აქვს ტექსტზე მუშაობის საწყისი ჩვევები და სტრატეგიები

N	აქტივობის აღწერა	მეთოდები	კლასის ორგანიზება	სასწავლო რესურსები	დრო
1. 2. 3. . 4. 5. 6. 7. 8. 9. 10. 11. 12.	ვესალმები კლასს. პროვოცირების მიზნით ვაჩვენებ ნაწყვეტს ანიმაციური ვიდეომასალიდან ,,გარეული ბუნების ბინადრები’’ ვსვამ კითხვებს ნაჩვენები ნაწყვეტის მიხედვით. Do you know these animals? Can you name any of them? Are they domestic or wild? კითხვების საშუალებით გამოიკვეთება გაკვეთილის თემა. მოსწავლეებს ვაცნობ გაკვეთილის მიზნებს და შეფასების კრიტერიუმებს. ტექსტზე მუშაობას ვიწყებ მოსმენით. ვასმენინებ ტექსტს პაუზებით. პარალელურად ვსვამ შეკითხვებს. ვაკითხებ ტექსტს და ვსვამ დამატებით ფაქტობრივ შეკითხვებს. პარალელურად ვახსენებ მოინიშნონ ახალი სიტყვები და ვახდენ მათ განმარტებას და გადამაქვს ისინი ,,სიტყვების კუთხე’’-ში. მოსწავლეები ასრულებენ  სამუშაოს ჯფუფებში. კლასი დაყოფილია 4 ჯგუფად. 1 ჯგუფი- მოსწავლეებს ვაძლევ სავარჯიშოს ,ჭეშმარიტია/მცდარია’ ტექსტის მიხედვით. 2 ჯგუფი- მოსწავლეებს ვაძლევ სხვადასხვა გარეული ცხოველის სურათს  და რამოდენიმე სავარაუდო წინადადებას, რომლისგანაც უნდა აირჩიონ ერთ-ერთი რომელიც მოცემულ ცხოველებს ახასიათებს ტექსტის მიხედვით. 3 ჯგუფი- მოსწავლებს ვაძლევ მცირე ზომის ტექსტს გამოტოვებული სიტყვებით და მათ ადგილზე სურათებით. უნდა შეავსონ ტექსტი სურათის შესაბამისი სიტყვით. 4 ჯგუფი- მოსწავლეებს ვაძლევ რამდენიმე წინადადებას აწმყო დროში და უნდა გადაიყვანონ წარსულში. პრეზენტაცია მუშაობის დასრულების შემდეგ წარადგენენ თავიანთ ნამუშევრებს კლასის წინაშე. ნამუშევრები გამოიკვრება დაფაზე. პრეზენტაციის დასრულების შემდეგ მოსწავლეებს ვთხოვ შეაფასონ ერთმანეთის ნამუშევრები. ვაფასებ რუბრიკით ჯგუფური სამუშაოს შედეგებს. მოსწავლეებს ვასმენინებ სიმღერას სხვადასხვა გარული ცხოველის შესახებ. ვაძლევ მითითებას, რომ ყურადღებით მოისმინონ, რათა დაიმახოვრონ მათი თანმიმდევრობა და მისი საშუალებით შეასრულონ სავარჯოშო. წყვილებში მუშაობა. დაალაგონ ცხოველების სახელები თანმიმდევრობით. ეკრანზე გამოვიტან სწორ პასუხებს და მოსწავლეები ახდენენ თვითშეფასებას. ვსვამ შემაჯამებელ კითხვებს. საშინაო დავალება: 1.მოსწავლეებმა მოკლედ 3-4 წინადადებით უნდა აღწერონ თავიანთ საყვარელ გარელი ცხოველი. 2. მოსწავლეებმა უნდა დაწერონ 5 წინადადება წარსულ დროში შესწავლილი სიტყვების გამოყენებით.	კითხვა-პასუხი ვერბალური ახსნა მოსმენა, კითხვა, კითხვა-პასუხი კითხვა, წერა პრეზენტაცია მოსმენა კითხვა-პასუხი	მთელ კლასთან მთელ კლასთან მთელ კლათან მთელ კლასთან ჯგუფებთან	კომპიუტერი, პროექტორი გაკვეთილის მიზნები და შეფასების რუბრიკები ტექსტის ქსერო ასლები, მარკერები, სტიკერები, დიდი ფორმატის ქაღალდი. სამუშაო ფურცლები, კალმები. ჯგუფური მუშაობის შეფასების რუბრიკა შეფასების რუბრიკა	2 წთ. 2 წთ. 1წთ. 12წთ. 13 წთ. 5წთ. 1წთ. 3წთ 1წთ. 1წთ. 2წთ. 2წთ.

გაკვეთილის ბოლოს მისაღწევი შედეგები:

·         მოსწავლეები შეძლებენ ტექსტის გაგება-გააზრებას.

·         უპასუხებენ ტექსტის შინაარსის გარშემო დასმულ შეკითხვებს.

·         მოახერხებენ თანაგუნდელებთან შეთანხმებას და თავიანთ წვლილს შეიტანენ დასახული ამოცანის გადაჭრაში.

ეროვნული სასწავლო გეგმის სტანდარტი

უცხ.დ.III5

• მოსწავლეს შეუძლია მოისმინოს და გაიგოს საინფორმაციო ტექსტი.

უცხ.დ.III8

• მოსწავლეს შეუძლია წაიკითხოს და გაიგოს ილუსტრირებული აღწერითი ტექსტი.

უცხ.დIII14

• მოსწავლეს გამომუშავებული აქვს მეტყველებისათვის აუცილებელი უნარ-ჩვევები.

უცხ.დ.III25

• მოსწავლეს შეუძლია სხვადასხვა ხერხის გამოყენება ლექსიკური მასალის ასათვისებლად.

უცხ.დ.III26

• მოსწავლეს შეუძლია თანაკლასელებთან, ჯგუფის წევრებთან თანამშრომლობა.

ჯგუფური სამუშაოს შეფასების რუბრიკა

	დამაკმაყოფილებელი	გასაუმჯობესებელი	საუკეთესო
ჯგუფის მიერ სამუშაოს ორგანიზება	სამუშაო კარგად არ იყო ორგანიზებული; ჯგუფის წევრებს შორის ფუნქციები არათანაბრად გადანაწილდა.	სამუშაო ორგანიზებული იყო, მაგრამ ჯგუფის წევრებს შორის ფუნქციები არათანაბრად გადანაწილდა.	სამუშაო კარგად ორგანიზებული იყო, ჯგუფის წევრებს შორის ფუნქციები სწორად და თანაბრად გადანაწილდა.
თანამშრომლობა	ჯგუფის წევრები არ აქტიურობდნენ; ჯგუფის წევრებს შორის არ შეინიშნებოდა თანამშრომლობითი გარემო	თითქმის ყველა მოსწავლე აქტიურობდა, ჯგუფის აქტიურ წევრებსა და პასიურ წევრებს შორის ზოგჯერ ურთიერთობები იძაბებოდა.	ჯგუფიდ ყველა წევრი იყო აქტიური და სამუშაო ნაყოფიერი, ჯგუფის წევრებს შორის იყო პოზიტიური და საქმიანი ურთიერთობები.
დროის ლიმიტის დაცვა	ვერ იცავენ დროის ლიმიტს.	უჭირთ დროის ლიმიტის დაცვა.	საუკეთესოდ იცავენ დროის ლიმიტს.
ჯგუფის ნამუშევრის კლასის წინაშე წარმოდგენის უნარი	მეტყველებს გარკვევით, მკაფიოდ; ფაქტებს, მოვლენებს გადმოსცემს არათანმიმდევრულად.	მეტყველებს გარკვევით, მკაფიოდ; გადმოსცემს ფაქტებს, მოვლენებს, ზოგჯერ არღვევს სიუჯეტურ ხაზს; გამოხატავს ჯგუფის ნააზრევს საკითხთან დაკავშირებით.	მეტყველებს გარკვევით, მკაფიოდ; მიჰყვება სიუჯეტურ ხაზს და თანმიმდევრულად გადმოსცემს ფაქტებს, მოვლენებს; გამოხატავს ჯგუფის ნააზრევს საკითხთან დაკავშირებით.

გამართული კითხვის თვითშეფასების რუბრიკა

		სრულყოფილი	დამაკმაყოფილებელი	გასაუმჯობესებელი
სიზუსტე	სწორად წავიკითხე სიტყვები? ყურადღებას ვაქცევდი სასვენ ნიშნებს?
სიჩქარე	გაბმულად წავიკითხე? ზომიერი სისწრაფით წავიკითხე? ძალიან სწრაფად ან ძალიან ნელა ხომ არ ვკითხულობდი?
გამომსახველობითი წაკითხვა	ინტონაციით სწორად გადმოვეცი ტექსტში ასახული ემოციები? რობოტივით ხომ არ ვკითხულობდი? კითხვისას სწორად ვიყენებდი ჯესტ-მიმიკას?

 სამოდელო გაკვეთილის რეფლექსია

2019 წლის 30 მაისს მე-3ა კლასში დავგეგმე და ჩავატარე გამჭოლი კომპეტენციების განვითარებაზე ორიენტირებული სამოდელო გაკვეთილი ინგლისურ ენაში, თემაზე  ,,გავიცნოთ გარეული ცხოველები’’.

სამოდელო გაკვეთილის დავგეგმე და განვახორციელე ისტ-ის გამოყენებით, ვეყრდნობოდი სამფაზიან მოდელს, ეროვნული სასწავლო გეგმის მისაღწევი შედეგების გათვალისწინებით

მიზნად დავისახე გარეულ ცხოველებზე საინტერესო ფაქტების ინფორმაციის მიწოდება, ლექსიკური მარაგის გამდიდრება, მულტიმედია ტექსტების აღქმა-გააზრება და შემოქმედებითი  მიდგომების გამომუშავება მოსწავლეებში.

მოსწავლეთა სწავლის შედეგები ცხადყოფს, რომ მიზანი მიღწეულ იქნა.

ჩემს მიერ დაგეგმილი თითოეული აქტივობა შეესაბამებოდა მიზანსა და საგნობრივ სტანდარტს. ითვალისწინებდა მოსწავლის ასაკობრივ ჯგუფსა და შესაძლებლობებს.

გაკვეთილმა ხელი შეუწყო კომუნიკაციისა და თანამშრომლობითი უნარების გაწაფვას. გაივარჯიშეს ფანტაზიის, წარმოსახვისა და  შემოქმედებითი უნარები.

კიდევ ერთხელ გააცნობიერეს ის, რომ კომპიუტერის გამოყენებით საგაკვეთილო პროცესი მრავალფეროვანი და საინტერესოა.

გაკვეთილზე გამოყენებულმა ელექტრონულმა რესურსებმა ხელი შეუწყო მოსწავლეთა ჩართულობას გაკვეთილზე, მათი მოტივაციის ამაღლებას, ის მოსწავლეებიც კი, რომლებიც არ გამოირჩევიან ძლიერი აკადემიური მოსწრებით, ბოლომდე იყვნენ ჩართულები და ყურადღებით ასრულებდნენ მასწავლებლის მიერ შეთავაზებულ დავალებებს.  განსაკუთრებით დიდი ინტერესი გამოიწვია წყვილებში სამუშაომ , სადაც სიმღერის მიხედვით მოსწავლეებს თანმიმდევრულად უნდა დაელაგებინათ გარეული ცხოველების სახელები .

მოსწავლეები ასევე აქტიურად იყვნენ  ჩართული თვითშეფასებისა და ურთიერთშეფასების პროცესში.

მოსწავლეთა ზემოთ აღნიშნული უნარების განვითარებას ხელი შეუწყო ჩემს მიერ სწორად შერჩეულმა სტრატეგიებმა/მეთოდებმა. მათ ახალი ცოდნის აგებაში და საკითხის შეჯამებაში დაეხმარათ წინა გამოცდილება.

მოსწავლეთა ნამუშევრები მეტყველებს იმაზე, რომ მათ კარგად გაიაზრეს ახალი სიტყვების მნიშვნელობა, შეძლეს პერსონაჟების თვისებების დადგენა, შეძლეს ტექსტის შეჯამება, რასაც ხელი შეუწყო ტექსტის ნაწილ-ნაწილ დამუშავებამ.

ჩემი გაკვეთილის ძლიერ მხარედ მიმაჩნია სწორედ ისტ-ის ეფექტური გამოყენება, სხვადასხვა ციფრული. გეგმა არ შეცვლილა. ყველაფერი გეგმის მიხედვით განხორციელდა.

ვთვლი, რომ გაკვეთილის სამივე ფაზა წარმატებით განხორციელდა,რადგან თითოეული აქტივობა იყო მოსწავლეებისთვის საინტერესო. ჩართული გახლდათ ყველა მოსწავლე   ამ პროცესში, მაგრამ მიუხედავად ამისა, ჯგუფებში მაინც გამოიკვეთა რამდენიმე სუსტი მოსწავლე.  ფაქტია, ამას გამოსწორება სჭირდება და მე ყველაფერს გავაკეთებ , რათა  სამომავლოდ ყველა მოსწავლე თანაბრად იყოს ჩართული  ჯგუფური მუშაობის ყველა აქტივობაში.

ამავე გაკვეთილის ხელმეორედ ჩატარების შემთხვევაში არაფერს შევცვლიდი, რადგან ჩემს მიერ დაგეგმილმა გაკვეთილმა , ვფიქრობ, შედეგეს მიაღწია და მოსწავლეთა სწავლას ხელი შეუწყო.

ვფიქრობ, ეს გაკვეთილი კოლეგებისთვის საინტერესო და ნაყოფიერი იქნებოდა, რადგან გამჭოლი კომპეტენციები, კერძოდ მედია და ციფრული წიგნიერება ჯერ კიდევ ინოვაციად ითვლება. ბევრი ვერ ახერხებს მის ეფექტიანად გამოყენებას სასწავლო პროცესში. ასეთი გაკვეთილებით გამოცდილების გაზიარება მნიშვნელოვან გამოცდილებას შესძენს მათ, რათა შემდგომში მათაც გამოიყენონ თავიანთ პრაქტიკაში სწავლების ეს სტარტეგია.